Тайвано арлын ойролцоо явуулж буй цэргийн сургуулилалтыг нэн даруй зогсоохыг Японы Ерөнхий сайд Фумио Кишида БНХАУ-аас шаардлаа. Японд айлчилж буй АНУ-ын Төлөөлөгчдийн танхимын дарга Нэнси Пелоситой уулзсаны дараа тэрээр дараах мэдэгдлийг хийсэн юм.

"Хятадын хөөргөсөн пуужингууд манай усан хилийн ойролцоо, тэр дундаа эдийн засгийн онцгой бүсэд унасан. Энэ бол Японы ард түмний аюулгүй байдалд заналхийлж буй ноцтой асуудал. Хятадын үйл ажиллагаа бүс нутаг болон дэлхийн энх тайван, тогтвортой байдалд ноцтой нөлөөлж байна.Бид Хятадын цэргийн сургуулилалтыг нэн даруй зогсоохыг шаардаж байна" хэмээн Японы Ерөнхий сайд мэдэгдлээ.

Хятадын Ардын чөлөөлөх арми пүрэв гаригт Тайванийн хоолойн зургаан бүсэд цэргийн томоохон сургуулилалт эхлүүлсэн юм. Японы Батлан ​​хамгаалах яамны мэдээлснээр, Хятадын харвасан пуужингийн тав нь Японы эдийн засгийн онцгой бүсэд унасан байна.