Ё.Басхүү Азийн аварга боллоо

“Нур-Султан-2022” Азийн АШТ-ий эхний өдөр манай гурван жүдоч медаль хүртлээ. Эмэгтэйчүүдийн 48 кг-ын жинд ОУХМ Г.Наранцэцэг хүрлийн төлөө барилдаанд БНХАУ-ын Гуо Зонюингийг торгуулиар цэвэр ялав.

ОУХМ Б.Хорлоодой 52 кг-ын жинд хүрлийн төлөө барилдаанд Узбекистаны Сита Кадамбоеваг торгуулиар цэвэр ялсан юм. Б.Хорлоодой үдээс өмнө нь хагас шигшээд дэлхийн хошой аварга алдарт Ай Шишимэтэй тун тэнцүүхэн үзэж “Golden score”-д вазари алдаж ялагдсан билээ.

“Будапешт-2021” ДАШТ-ий хүрэл медальт, үндэсний шигшээ баг, “Хилчин” спорт хорооны тамирчин ОУХМ Ёндонпэрэнлэйн Басхүү 66 кг-ын жинд Азийн аварга болж Монгол Улсын төрийн дууллаа эгшиглүүлэв.

Ё.Басхүү эхлээд гоц мөргөж, 1/4 шигшээд АНЭУ-ын Гурам Завашвилиг вазаригаар, хагас шигшээд 2017 оны Азийн АШТ-ий хүрэл медальт Узбекистаны Мухриддин Тилововыг "Golden score"-д, финалд 2021 оны Парисын "Их Дуулга"-гийн аварга Японы Рёома Танакаг "иппон" буулгаснаар Монгол Улсаас жүдо бөхийн төрлөөр Азийн аваргаас 21 дэх алтан медалийг авчирлаа. 

 


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (2)

  1. Азийн аваргын тэмцээн шал сонирхолгүй болдгийн байна. Аймаар цөөхөн тамирчид, тэгээд Япон, Солонгосоос тааруухан нөхдүүд ирдэг юм байна. Бараг би ч очоод барилдахад хүрэл медаль авбал авчмаар юм. Гэснээс, энэ халзан нөхрийг Ёндонпэрэнлэй гэдгийм болов уу гэсэн чинь Басхүү гэдэг юм байншдээ, ха ха

    0 0 Хариу бичих
    • Тэгээд чи очоод медаль авчаач

      0 0