Б.Жавхлан: Засгийн газар 2012 оноос хойш нийт 5.2 тэрбум долларын долоон бонд гаргасан

Засгийн газрын өнөөдрийн хуралдаанаар Монгол Улсад үүссэн өр, бондын зарцуулалтыг зарцуулалтыг бүхэлд нь шалгах ажлын хэсэг байгуулж, ахлагчаар нь Сангийн сайд Б.Жавхланг томилжээ. Үүнтэй холбогдуулан Б.Жавхлан сайд мэдээлэл хийлээ. Тэрээр "Засгийн газар 2012 оноос хойш нийт 5.2 тэрбум ам.долларын долоон бонд гаргасан. Үүнээс зөвхөн "Чингис" бондоор л төсөл арга хэмжээнүүдийг санхүүжүүлсэн. Бусад бондын хөрөнгийг төсвийн алдагдлыг санхүүжүүлэх, өмнөх бондын өрүүдээ төлөхөд зарцуулсан. Тиймээс манай ажлын хэсгийн шалгалтын хүрээ цомхон. "Чингис" бондын хөрөнгийг хэрхэн зарцуулсан бэ гэдгийг шалгана. Энэ бондын хөрөнгийн 50 гаруй хувь нь Хөгжлийн банкны чанаргүй зээл болсон. Бид өрийнхөө хэмжээнээс илүү зарцуулалтыг нь анхаарах ёстой. Манай улсын нийт гадаад өр өнөөдөр ДНБ-ий 220 хувьтай тэнцэж байгаа. Сингапур улсын гадаад өр ДНБ-ийхээ 400 хувьтай тэнцэж байгаа. Английн гадаадад өр ДНБ-ээсээ гурав дахин илүү, Японых бүүр ч олон дахин их байгаа. Гэтэл яагаад дефолт зарлах асуудал яригддаггүй вэ гэхээр зээлийн зарцуулалт нь чанартай байдаг. Харин манайд зээл нь үр дүнгээ өгөхгүй байна. Тиймээс үүнийг шалгаж ирэх долоо хоногт шалгалтынхаа явцыг танилцуулна" гэлээ. 


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (2)

  1. Ашгүй нэг МАН аа сонгоод нэг мөр дампуурч байгаан байна

    0 0 Хариу бичих
  2. Дампуурчээ

    0 0 Хариу бичих