Нэнси Пелосиг Тайванийн "Эрх чөлөөний одон"-гоор шагналаа

АНУ-ын Төлөөлөгчдийн танхимын тэргүүн Нэнси Пелоси өнөө өглөө Тайванийн парламентад зочиллоо. Тэрээр энэ үеэр Тайваньтай парламент хоорондын харилцааг өргөжүүлж, аюулгүй байдал, эдийн засгийн асуудлуудыг хэлэлцэх санал тавилаа.  Парламентын дэд дарга Цай Цичан хариуд нь Н.Пелосиг "Тайванийн ард түмний агуу найз" хэмээн нэрлээд түүний айлчлалыг өндрөөр үнэлж буйгаа хэлсэн юм. 

Нэнси Пелосиг хүлээн авч уулзах үеэрээ Ерөнхийлөгч Цай Инвэнь батлан хамгаалах хүчээ зузаатгаж, тусгаар тогтнолынхоо төлөө тууштай тэмцэхээ илэрхийлжээ. Улмаар Тайваньд анхаарал хандуулж, дэмжлэг үзүүлсэнд талархал илэрхийлж түүнийг “Эрх чөлөө” одонгоор шагнасан байна.

Ерөнхийлөгчийн ордонд болсон уулзалтын үеэр Нэнси Пелоси "АНУ Тайваньтай эв санааны нэгдэлтэй байх нь урьд урьдынхаас илүү чухал болж байна. Бид хамтын үнэт зүйл дээр суурилсан хөгжлийн түншлэл байгуулсан. АНУ-ын Ардчилсан нам болон Бүгд найрамдахчууд Тайванийг дэмжихээр санал нэгдсэн" хэмээн өгүүлжээ. 

 


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (1)

  1. Хятадыг Америкаар айлгаж болдог гэдэгийг Тайван авгай дэлхийд харууллаа ха ха ха

    0 0 Хариу бичих