Дотоодын нийт бүтээгдэхүүний өсөлт 2022 оны нэгдүгээр улиралд уул уурхайн салбар газрын тос, нүүрсний олборлолтоос үүдэн саарсан ч уул уурхайн бус салбар сэргэснээр өсөлт хүлээлтээс өндөр гарлаа. Тодруулбал, цаг агаарын нөхцөл байдал таатай байсан нь хөдөө аж ахуйн салбар идэвхжихэд нөлөөлсөн бол худалдаа, татварын орлогын өсөлт уул уурхайн бус салбарт эерэг нөлөөтэй байв.
Үйлчилгээний салбараас зочлох үйл ажиллагаа, урлаг үзвэр тоглоом наадам, аялал жуулчлалтай холбоотой үйлчилгээ голлох өсөлтийг бүрдүүлжээ. Түүнчлэн 5 улирал дараалан агшсан өрхийн хэрэглээ 1 дүгээр улиралд сэргэж эхлэв. Улмаар 2022 оны эдийн засгийн өсөлтийн төсөөллийг хэвээр хадгалсан талаар Монголбанкнаас мэдээллээ. Энд нэг талаас газрын тос болон нүүрсний экспорт буурах нь уул уурхайн салбарын өсөлтийг сааруулахаар байгаа бол нөгөө талаас уул уурхайн бус салбар, тэр дундаа хөдөлмөр харьцангуй ихээр шингээдэг хөдөө ах ахуй, үйлчилгээ, худалдаа, үүнийг дагасан татвар бүрдүүлэлт нэмэгдэхээр байгаа нь өсөлтийг тэтгэнэ гэж үзлээ.
