10333 төгсөгчийн тэтгэлгийг өнөөдөртөө багтаан олгоно

Мэргэжлийн болон техникийн боловсролын сургалтын байгууллагыг 2021-2022 оны хичээлийн жилд суралцаж төгсөхөөр статистик мэдээнд бүртгэгдсэн 14790 төгсөгчийн холбогдох бичиг баримт, ирцийн мэдээллийг нэг бүрчлэн тулгалт хийж, хянаж дууссан байна. Бичиг баримтын зөрчилгүй, тэтгэлэг авах шаардлага хангасан нийт 69 сургуулийн 10333 төгсөгчийг системд баталгаажуулж, Монгол Улсын Засгийн газрын 2022 оны 03 дугаар сарын 16-ны өдрийн 122 дугаар тогтоолын 1, 2 дугаар хавсралтыг үндэслэн тэтгэлгийг суралцагчийн хувийн данс руу шилжүүлсэн талаар Боловсролын ерөнхий газраас мэдээллээ. /Өнөөдөртөө багтаад хүүхэд нэг бүрийн дансанд орно/

Тэтгэлэг дараах төгсөгчдөд олгогдоогүй бөгөөд үүнд,

-Онол, дадлагын сургалтад 80-аас доош хувийн ирцтэй суралцсан

-Суралцаж байх хугацаандаа гэмт хэрэг зөрчилд холбогдож шийтгүүлсэн

-Хүндэтгэн үзэх шалтгаагүй сургуулиа орхисон

-Их дээд сургууль болон мэргэжлийн боловсрол сургалтын байгууллагад давхар суралцаж байсан суралцагчид их дээд сургуульд сурах хүсэлтээ ирүүлсэн

-Мэргэжлийн боловсролын сургалтын байгууллагад дахин суралцаж байгаа суралцагч


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)