Энэ сард болох соёл урлагийн онцлох арга хэмжээ

Зуны хамгийн зугаатай сар долоодугаар сард болох урлаг, соёлын онцлох арга хэмжээнүүдийг түүвэрлэн хүргэж байна. Мөн Үндэсний их баяр наадмын хүрээнд зохион байгуулагдах соёлын арга хэмжээний талаарх мэдээллийг хүргэе.

Playtime 2022

Залуус бүрийн хүсэн хүлээдэг Монголын орчин үеийн хөгжмийн урлагийн түүхэнд томоохон хувьслыг бий болгосон, соёлыг түгээгч “Плэйтайм” хөгжмийн фестиваль энэ жил 20 дахь удаагаа Монгол шилтгээнд 7-р сарын 7, 8, 9, 10-ны өдөр зохион байгуулагдах юм. Наадмын хувьд энэ жил ногоон тогтвортой хөгжлийг дэмжин ажиллаж буй юм. Цар тахлын дараа олон онцлогтойгоор эргэн ирж байгаа наадам залууст зориулан олон сонирхолтой арга хэмжээ бэлтгэжээ.

Хэзээ: Долоодугаар сарын 7-10-ны өдрүүдэд

Хаана: Монгол шилтгээн, Гачуурт тосгон

Тасалбар: Дөрвөн өдрийн тасалбар 250000 төгрөг

"Hot" фестиваль

"Hot" фестивальд очсоноор хөгжмийн мэдрэмжээр хөглөгдөхөөс гадна “Оньс” өрөөгөөр зочилж, нисдэг тэрэг, UTV, агаарын бөмбөлөг гээд аль дуртайгаараа хөгжилдөж, хязгааргүй оддыг дурандаж, оддын доор галын наадам хийх боломжтой. Гурван өдөр, хоёр шөнийн энэхүү аялалд оролцохыг хүсвэл Элсэн тасархайг зориорой.

Хэзээ: Долоодугаар сарын 14-16

Хаана: Элсэн тасархай, Хөгнө Тарна байгалийн цогцолбор

Тасалбар: 85000-190000 төгрөг

"Монголын сайхан орон" тоглолт

Жил бүр уламжлал болон тоглогддог “Монголын сайхан орон” үндэсний их баяр наадамд зориулсан концерт энэ сарын 12-нд Соёлын төв өргөөнд болох гэж байна. Морин хуурын чуулга үүсэн байгуулагдсны 30 жилийн ойн хүрээнд рок попын үе үеийн уран бүтээлчид энэхүү тоглолтод оролцохоороо онцлог юм. Тоглолтод Морин хуурын чуулгын шилмэл бүтээлүүд болон рок попын үе үеийн уран бүтээлчдийн хамтран туурвисан бүтээлүүд тоглогдох юм.

Хэзээ: Долоодугаар сарын 12-нд

Хаана: Соёлын төв өргөө

Тасалбар: 50000-100000 төгрөг

"Дэлхийд гайхагдсан Монгол урлаг” тоглолт

Үндэсний урлагийн их театр "Дэлхийд гайхагдсан Монгол урлаг" тоглолтоо хоёр жилийн хугацаанд завсарласны эцэст хөтөлбөрөө шинэчлэн зургаадугаар сарын 18-ны өдрөөс үзэгчдэд хүргэж эхэллээ. Уг тоглолтоор Монголчуудын олон зууны турш өвлүүлэн уламжилж ирсэн ЮНЕСКО-гийн Хүн төрөлхтний соёлын биет бус өв болон яаралтай хамгаалах шаардлагатай соёлын биет бус өвийн жагсаалтад орсон өвөрмөц соёл, нүүдэлчин ахуйг алдаршуулсан ардын аман зохиол, байгаль эхтэйгээ хүмүүний хэлхээ холбоог эрхэмлэдэг гүн ухааныг өлгийдөн авч, шимтэн таалаарай.

Тоглолтод Монгол төрийн Үндэсний хөгжмийн их найрал, Хөдөлмөрийн баатар, ардын жүжигчин, Төрийн шагналт, Зууны манлай уртын дууч Н.Норовбанзадын нэрэмжит дууны чуулга, Ардын жүжигчин, Төрийн шагналт, Зууны манлай бүжиг дэглээч Ц.Сэвжидийн нэрэмжит бүжгийн чуулга бүрэн бүрэлдэхүүнээрээ оролцоно.

Хэзээ: Долоодугаар сарын 5-8-ны өдрүүдэд Үндэсний урлагийн их театрт

Долоодугаар сарын 11-д Соёлын төв өргөөнд

Долоодугаар сарын 9, 10, 12, 13, 14, 15, 16, 17-нд Хүүхэлдэйн театрт

Тасалбар: 40000-60000 төгрөг

"Nomadic legend" ардын урлаг, өв соёлын тоглолт

“Цагаан лавай” чуулгын "Nomadic Legend" ардын урлаг, өв соёлын тоглолтод үндэсний урлагийн бүхий л үзүүлбэрүүд багтах бөгөөд ардын хөгжмийн хамтлаг, ардын бүжиг, бие биелгээ, хөөмий, магтаал, морин хуур, цамын бүжиг, уртын болон ардын дуу, уран нугаралт гээд ардын урлагийн цогц хөтөлбөртэй юм.

Хэзээ: Өдөр бүр

Хаана: Ган зам палас

Тасалбар: 30000 төгрөг

“Тамгагүй төр” жүжиг

Хөдөлмөрийн баатар, ардын уран зохиолч Б.Лхагвасүрэнгийн "Тамгагүй төр" эмгэнэлт жүжиг найруулагч Б.Баатарын найруулгаар дөрөвдүгээр сарын 17-нд тайзнаа мэндэлсэн. Нээлтээ хийсэн цагаасаа эхлэн үзэгчдийн талархлыг хүлээж, шинэ түүх бичсэн уг жүжгийг долоодугаар сарын 10-наас дахин тоглохоор болсон байна.

Багийн бүрэлдэхүүнд Улсын драмын эрдмийн театр, Үндэсний урлагийн их театрын уран бүтээлчид, дуу авиа, хөгжмийн найруулагчид, “Торго” салоны дизайнерууд, археологич, соёл, түүхийн судлаачид, зураачид, инженер техникийн зэрэг 300 гаруй хүн багтсан байна.

Хэзээ: Долоодугаар сарын 10-17-ны өдрүүдэд

Хаана: Улсын драмын эрдмийн театр

Тасалбар: 40000-180000 төгрөг

“Naadam night 2022шоу


“Naadam night 2022” цэнгүүний үеэр дараах арга хэмжээ болно. Үүнд,

Монгол төрийн үндэсний их найрал хөгжмийн тоглолт

Баяр наадмын бага хувилбар, бий биелгээ, ардын бүжиг

Алтай хамтлаг, тойрон бүжиг, дуу хуур, амьд хөгжмийн тоглолт

DJ set, үндэсний хоол зоог, идээ ундаа

Галтай шоу, айраг цагаа, дэмбээ хурууд

Хувцас загварын үзүүлбэр

Уламжлалт анагаах ухааны (Манба дацан эмнэлэг) алтан судрууд

Ковидыг анагаагч эм тан, судас оношилгоо, бариа засал

Хаан хатад, баатруудын хувцастай фото зургийн үйлчилгээ зэрэг багтаж байна.

Хэзээ: 2022.07.11

Хаана: Үндэсний соёл амралтын хүрээлэн

Тасалбар: 80000 төгрөг

Үндэсний их баяр наадмын хүрээнд болох соёлын арга хэмжээ

Тулгар төрийн 2230, 2231, Их Монгол Улсын 815, 816, Үндэсний эрх чөлөө, тусгаар тогтнолоо сэргээн мандуулсны 110, 111, Ардын хувьсгалын 100, 101 жилийн ой, Үндэсний их баяр наадмын хүрээнд дараах соёлын арга хэмжээ болно. Тухайлбал, 

"Монголын сайхан орон" уран зургийн үзэсгэлэн

Хаана: Монголын урчуудын эвлэлийн үзэсгэлэнгийн танхимд

Хэзээ: Долоодугаар сарын 8-нд

"Дээлтэй Монгол" наадам

Хаана: Жанжин Д.Сүхбаатарын талбайд

Хэзээ: Долоодугаар сарын 9-нд 

"Монгол бахархал" гэрэл зургийн үзэсгэлэн

Хаана: Жанжин Д.Сүхбаатарын талбайд

Үндэсний цэцэрлэгт хүрээлэн

Төв цэнгэлдэх хүрээлэн

Хэзээ: Долоодугаар сарын 9-нд

Төрийн далбааны өдөрт зориулсан Хүндэтгэлийн ажиллагаа, цэргийн ёслолын жагсаал

Хаана: Жанжин Д.Сүхбаатарын талбайд

Хэзээ: Долоодугаар сарын 10-нд 

Үндэсний их баяр наадмын Хүндэтгэлийн концерт 

Хаана: Жанжин Д.Сүхбаатарын талбайд

Хэзээ: Долоодугаар сарын 10-нд 

Соёлын наадам

Хаана: Хүй долоон худагт

Хэзээ: Долоодугаар сарын 11-нд 

Үндэсний их баяр наадмын нээлт

Хаана: Төв цэнгэлдэх хүрээлэн

Хэзээ: Долоодугаар сарын 11, 12-нд

"Хөхүүрийн айраг" наадам

Хаана: Хүй долоон худагт

Хэзээ: Долоодугаар сарын 12-нд тус тус болно.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)