Бэлчээрийн ургамлын ургалт зургаадугаар сарын 30-ны байдлаар нийт нутгийн 50 орчим хувьд буюу Булган, Орхон, Дархан-Уул, Говьсүмбэр, Дорнодын нийт, Архангай, Хөвсгөл, Сэлэнгэ, Төв, Хэнтий, Сүхбаатарын ихэнх, Баян-Өлгий, Увс, Ховд, Говь-Алтай, Завхан, Баянхонгор, Өвөрхангай, Дорноговийн зарим, Дундговь, Өмнөговийн ганц нэг сумдын нутгаар сайн байна.
40 орчим хувьд буюу Увс, Ховд, Завхан, Дундговийн ихэнх, Баян-Өлгий, Говь-Алтай, Баянхонгор, Өвөрхангай, Өмнөговь, Дорноговь, Хэнтий, Сүхбаатарын зарим, Архангай, Хөвсгөл, Сэлэнгэ, Төвийн ганц нэг сумдын нутгаар дунд, 10 гаруй хувьд буюу Увс, Баянхонгор, Өвөрхангай, Дундговь, Дорноговь, Өмнөговийн зарим, Баян-Өлгий, Ховд, Говь-Алтайн ганц нэг сумдын нутгаар муу байна.
Салхины хурд тал хээрийн нутгаар түр зуур 16-27 м/с буюу аюултай үзэгдлийн, Төвийн Зуунмод, Хэнтийн Дархан, Дорнодын Матадад 28 м/с буюу онц аюултай үзэгдлийн хэмжээнд хүрч салхилсан байна.
