Л.Халтар: Чингис хот-Ульханы зам ашиглалтад орсноор ОХУ-ын Чита мужтай авто замаар холбогдоно

Ерөнхий сайд Л.Оюун-Эрдэнэ тэргүүтэй Засгийн газар, УИХ-ын гишүүд өнөөдөр Хэнтий аймагт ажиллаж байна. Засгийн газраас “Шинэ сэргэлтийн бодлого”-ын Боомтын сэргэлтийн хүрээнд улсын хэмжээнд хилийн 14 боомтыг авто болон төмөр замаар холбох томоохон зорилтыг дэвшүүлэн ажиллаж байгаа. Эдгээрийн нэг Хэнтий аймгийн Чингис-Бэрх-Ульхан боомт чиглэлийн 318.3 км авто замын бүтээн байгуулалт юм. Уг авто замын эхний 70 км буюу Чингис-Бэрх чиглэлийн хатуу хучилттай авто зам бэлэн болсон. Үргэлжлэл 248.3 авто замын төслийг улсын төсвийн хөрөнгө оруулалтаар хэрэгжүүлэх бөгөөд Ерөнхий сайд Л.Оюун-Эрдэнэ Хэнтий аймгийн Норовлин суманд өнөөдөр ажиллахдаа бүтээн байгуулалтыг нь эхлүүллээ. Үүнтэй холбогдуулан Зам, тээврийн хөгжлийн сайд Л.Халтар байр сууриа илэрхийллээ.

Тэрээр "Хэнтий аймгийн Чингис хотоос Дорнод аймгийн Ульхан боомт хүртэлх 318,3 км замын барилгын ажил өнөөдөр эхэлж байна. Тус зам ашиглалтад орсноор Хэнтий, Дорнод аймаг ОХУ-ын Чита мужтай хатуу хучилттай авто замаар шууд холбогдоно. Замын ажлыг 2025 он гэхэд дуусгахаар төлөвлөж байна" гэлээ.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)