Ж.Батсуурь: Чойбалсан-Бичигтийн төмөр зам ашиглалтад орсноор валютын нөөц нэмэгдэнэ
Ерөнхий сайд Л.Оюун-Эрдэнэ тэргүүтэй албаны хүмүүс өчигдөр Сүхбаатар аймагт ажиллаж Засгийн газраас хэрэгжүүлж буй Шинэ сэргэлтийн бодлогын Боомтын сэргэлтийн хүрээнд Зүүн босоо тэнхлэгийн үндэсний төмөр замын сүлжээ буюу Чойбалсан-Хөөт-Бичигт чиглэлийн төмөр замын бүтээн байгуулалтын төслийн ажлыг эхлүүллээ. Үүнтэй холбогдуулан тус аймгаас сонгогдсон УИХ-ын гишүүн Ж.Батсуурь байр сууриа илэрхийллээ.
Тэрээр "Энэхүү төмөр замыг ашиглалтад оруулснаар зүүн бүсэд байгаа тэрбум гаруй тоннын нөөцтэй хүрэн нүүрс гадаад зах зээлд гарах бүрэн боломжтой болно. Мөн төмөр, цайрын баяжмалаа гадаад зах зээлд гаргах боломж бүрднэ. Ингэснээр Монгол Улсын валютын нөөц нэмэгдэж, эдийн засаг сэргэнэ" гэлээ.
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.