2020 оны УИХ-ын сонгуулиас хойш АН хоёр хуваагдаад байна. Мөн намаа дагаад УИХ дахь намын бүлэг нь хуваагдаад байна. Хоёр хуваагдаад буй АН-ын нэг тал болох С.Эрдэнэ, УИХ дахь АН-ын бүлгийн дарга Д.Ганбат нар мэдээлэл хийлээ. Нөгөө тал буюу О.Цогтгэрэл тэргүүтэй гишүүд нь УИХ-ын тухай хуульд өөрчлөлт оруулах хуулийн төсөл өргөн барьсан юм. Уг хуулийн төсөл нь бүлгийн дарга Д.Ганбатад зориулагдсан гэж хэлж болох юм. Учир нь, бүлгийн даргыг чөлөөлөхтэй холбоотой заалтууд оруулсан. О.Цогтгэрэл тэргүүтэй гишүүдийн өргөн мэдүүлсэн УИХ-ын тухай хуульд өөрчлөлт оруулах тухай хуулийн төслийг нь хаврын чуулган завсарлахаас өмнө батлахаар хэлэлцэж байгаа юм. Үүнтэй холбогдуулан УИХ дахь АН-ын бүлгийн дарга Д.Ганбат бүлгээсээ гарч байгаагаа мэдэгдлээ.