Ардын хувьсгалын түүхт ой, Үндэсний их баяр наадамд 1024 бөх зодоглох бөгөөд улсын баяр наадамд зодоглох бөхчүүдийн урьдчилсан тоог бөхийн гал, дэвжээдийн удирдлага, дасгалжуулагч нар зургаадугаар сарын 28-ны дотор бичгээр болон МҮБХ-ны албан ёсны хаягаар ирүүлэх шаардлагатай аж.
Албан ёсны бүртгэл 2022 оны долоодугаар сарын 07-09-ны өдрүүдэд 10:00–18:00 цагийн хооронд үргэлжлэх юм байна. Барилдах бөхчүүд цолны үнэмлэх, цээж зурагтайгаа МБӨ-нд өөрийн биеэр ирж бүртгүүлнэ гэж МҮБХ-ноос мэдээлэв.
