С.Амарсайхан: Төлөвлөгөөт хяналт шалгалтыг зогсоолоо гээд дур зоргоороо үйл ажиллагаа явуулна гэсэн үг биш

Өнөөдөр Засгийн газрын ээлжит хуралдаан боллоо. 2022 оны тавдугаар сарын 10-нд иргэдээс ирсэн гомдлын дагуу МХЕГ Сонгинохайрхан дүүргийн Эмээлтэд байрлах “MDCP” ХХК-ийн орчим түүхий эд хүлээн авах мах боловсруулах үйл ажиллагаатай танилцсан талаар өнөөдрийн хуралдаанд мэдээлэл өгчээ. Шалгалтаар энэхүү үйлдвэр нь ариун цэвэр, эрүүл ахуйн шаардлага хангаагүй, мэргэжлийн ажилтангүй нь тогтоогдсон байна. Иймээс тус компанийн үйл ажиллагааг зогсоожээ. Түүнчлэн холбогдох байгууллагуудад хандсан байна. Энэ асуудлаар Шадар сайд С.Амарсайханаар ахлуулсан ажлын хэсэг байгуулах үүрэг өгчээ. 

Шадар сайд С.Амарсайхан “Хүнсний аюулгүй байдлыг хангахтай холбоотой авч хэрэгжүүлэх зарим арга хэмжээний талаар ажлын хэсэг байгуулахаар боллоо. Хүнсний аюулгүй байдал, хүний эрүүл мэнд, зам, дэд бүтэц зэрэг хүний өдөр тутмын амьдралтай холбоотой асуудлаар мэргэжлийн байгууллагууд тогтмол шалгалт хийж байх шаардлагатай байна. Засгийн газраас төлөвлөгөөт хяналт шалгалтыг түр зогсоох хуулийг төслийг УИХ-д өргөн мэдүүлсэн. Гэхдээ хяналт шалгалтыг зогсоолоо гээд дур зоргоороо үйл ажиллагаа явуулна гэсэн үг биш” гэдгийг хэллээ.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (2)

  1. Хоол хүнс бол байнга л хянаж шалгах газар ш дээ. Энэ олон хоолны газарууд үнэхээр хангалтгүй байна бас Хятадууд манай гол нэрийн бүтээгдэхүүнийг эзэмшээд олон махны үйлдвэр байгуулсан гэсэн үнэхээр Төр засаг анхааралдаа нэн даруй анхаарах цаг болжээ яана даа ядуу хүмүүсийн нэрээр тэр үйлдвэр гээч бузар газраа ажлуулж байна шдээ

    0 0 Хариу бичих
  2. Шударга хяналт шалгалтыг зогсоож ерөөсөө болохгүй, харин хүнд суртал, авилгыг л яаралтай зогсоох хэрэгтэй байна.

    0 0 Хариу бичих