Г.Ёндон: Газрын тосны үйлдвэр 2024 онд үйлдвэр ашиглалтад орно

Өнөөдөр /2022.05.13/ УИХ-ын чуулганы хуралдааны үеэр УУХҮ-ийн сайд Г.Ёндон "Газрын тосны үйлдвэрийг толгойгоороо хариуцна" гэж мэдэгдэв. 

Чуулганы үеэр УИХ-ын гишүүн Б.Бат-Эрдэнэ холбогдох алба хаагчаас газрын тос боловсруулах үйлдвэрийг талаар тодруулсан юм. Түүний асуултад УУХҮ-ийн сайд Г.Ёндон хариулахдаа "Газрын тос боловсруулах үйлдвэр нь таван багц ажлаас бүрдэж байгаа. EPC-1 гэрээний гүйцэтгэл 61 хувьтай байна. EPC-2 гэрээг 2021 оны дөрөвдүгээр сард,  EPC-3 гэрээг 2021 оны тавдугаар сард БНЭУ-ын Экзим банкнаас ирсэн хураангүй жагсаалтын хүрээнд ГТБҮ-ээс төслийн бичиг баримтыг боловсруулан хүргүүлсэн. Гэрээ ёсоор БНЭУ-ын тал 2021 оны долдугаар сараас өмнө тендер зарлах ёстой байсан. Гэсэн хэдий ч EPC-2 гэрээн дээр таван удаа,  EPC-3 гэрээн дээр долоон удаа хугацаа сунгах хүсэлт гаргасан. Тиймээс тендерийн материалыг хүлээн авч зарласан боловч ТЭЗҮ-д зааснаас өндөр ирсэн. Тиймээс БНЭУ-ын Экзим банкийг урьж, энэ асуудлын талаар хэлэлцээр хийж байна. Улмаар тендерийн үнийг зөвшөөрөгдсөн хэмжээнд оруулахаар хэлэлцсэн юм. Одоогоор дамжуулах хоолойн тендер гэрээ байгуулагдсан байгаа. Бүтээн байгуулалтын 530 км газар Тосон уулын талбайгаас хийгдэнэ" гэсэн хариулт өглөө. 

Үүнийн дараа УИХ-ын дарга Г.Занданшатар "2024 онд энэ үйлдвэр ашиглалтад орох уу, та үүнийг толгойгоороо хариуцах уу" гэж асуухад тэрээр "Толгойгоороо хариуцна" гэж хариулсан юм. 


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (3)

  1. Энэ жилийн гүйцэтгэх ажлын тоо хэмжээг графикаар цаг хугацаатай гаргаж үр дүнг л тооцож ажиллаарай. Дэндүү бүдүүн хадуун байх юм. Үр дүнг цаг хугаццагаар л хэмжинэ шүү дээ.

    0 0 Хариу бичих
  2. Ядаж гарчиг нь зөв байхгүй дээ.

    0 0 Хариу бичих
  3. Ёндонгийн толгой газрын тосны үйлдвэртэй тэнцүү хэмжээний үнэтэй гэж огт бодохгүй байна, хугацаандаа баригдаж ашиглалтад орохгүй бол танк орж ирэх гэж байсан, тэгээд саатсан, бас ковид энэ тэр гээд шалтаг мундах биш, яг хийгэ байсан чинь ингээд тэгээд гээд хүүхэд хуурах гэж байгаа юм хэлнэ л дээ, эд нарт итгэх хэцүү. Манийгаа хуурсаар байгаад болно гэж боддог шиг байгаа юм, Оюу толгойг хангах цахилгаан станц хаана байна? таг сураггүй, Дарханы зам хаа байна, бүү мэд? Нүүрсээ вагоноор зөөх юу болж байна, ёстой мэдэхгүй??

    0 0 Хариу бичих