Сүүлийн 24 цагт коронавирусийн халдварын 34 тохиолдол бүртгэгджээ. Шинээр бүртгэгдсэн халдварын 26 нь Улаанбаатар хотод, найман тохиолдол орон нутагт бүртгэгдсэн байна. Өнгөрсөн хоногт Дархан Уул, Ховд, Өмнөговь, Дорноговь аймагт халдвар бүртгэгдсэн байна. Мөн өнгөрсөн хоногт халдвараас шалтгаалсан нас баралт бүртгэгдээгүйг ЭМЯ-наас мэдээллээ. Коронавирусийн халдварын улмаас эмнэлэгт есөн хүүхэд, нэг жирэмсэн эмэгтэй гээд нийт 166 хүн эмчлүүлж байгаа бол гэрийн хяналтад 524 хүн байна.