Эрүүл мэндийн яамнаас цар тахлын нөхцөл байдлын талаар тоон мэдээлэл танилцууллаа. Сүүлийн хоногт 81 хүнээс халдвар илэрчээ. Бүртгэгдсэн тохиолдлын 37 нь нийслэлд, 44 нь орон нутагт батлагдсан байна. Энэ хугацаанд Өмнөговь, Дундговь аймгаас бусад аймагт халдвар бүртгэгдээгүй. Түүнчлэн халдварын улмаас нас барсан тохиолдол бүртгэгдээгүй байна.

Одоогоор 203 хүн эмнэлэгт хэвтэн эмчлүүлж байгаагийн 16 нь хүүхэд, дөрөв нь жирэмсэн эх байна. Эмнэлэгт хэвтэн эмчлүүлж байгаа найман хүний биеийн байдал маш хүнд байна. Харин өрхийн эмчийн хяналтад 678 иргэн гэрээрээ эмчлүүлж байна.