Эрүүл мэндийн яамнаас цар тахлын нөхцөл байдлын талаар тоон мэдээлэл танилцууллаа. Сүүлийн хоногт 83 хүнээс коронавирусийн халдвар илэрчээ. Шинээр бүртгэгдсэн тохиолдлын 47 нь нийслэлд, 36 нь орон нутагт батлагдсан байна. Энэ хугацаанд 18 аймагт халдвар бүртгэгдээгүй ажээ. Түүнчлэн энэ хугацаанд халдварын улмаас нас барсан тохиолдол бүртгэгдээгүй бөгөөд гуравдугаар сарын 18-наас хойш нас баралт бүртгэгдээгүй сайн мэдээтэй байна.

Одоогоор 240 хүн эмнэлэгт хэвтэн эмчлүүлж байгаагийн 43 нь хүүхэд, 10 нь жирэмсэн эх юм. Эмнэлэгт хэвтэн эмчлүүлж байгаа 12 хүний биеийн байдал маш хүнд байна. Харин өрхийн эмчийн хяналтад 844 иргэн гэрээрээ эмчлүүлж байгаа ажээ.